# Amman Deal — official full-text reference

Last reviewed: 2026-10-16. The HTML source URLs below are authoritative. Physical: 2–6 players, 159 cards, 15 JOD. Digital table: 2–4 players, free basic browser play. Android is a closed test.


---


# عن عمان ديل

Source: https://ammandeal.com/about.html

## عمان ديل بسطرين

عمان ديل (Amman Deal) لعبة ورق وطاولة أردنية، من 2 لـ6 لاعبين، مدتها حوالي 20 دقيقة، ومناسبة من عمر 8 وطالع. فيها 159 كرت: 12 حي حقيقي من عمان، كروت فلوس، الشيخ (الجوكر)، و92 كرت أفعال بالعامية الأردنية. الهدف: أول واحد بيكمّل 3 مجموعات أراضي بيربح.

### وين بتنلعب؟

- الكرتونة الحقيقية: 15 دينار، توصيل مجاني بعمان الغربية، والدفع كاش عند الاستلام — اطلب عالواتساب. وكمان بمكتبة الشلاتي.

- تجربة أندرويد: الوصول حاليًا عبر اختبار مغلق، مرتبط بتفعيل Google — خطوات التجربة. المتصفح متاح للعب مباشرة.

- تطبيق الآيفون: ببلاش على App Store.

- من المتصفح: ببلاش على ammandeal.com/play — ضد الكمبيوتر أو أونلاين مع أصحابك بغرفة خاصة ورابط دعوة.

### ليش عملناها؟

عمان ديل مشروع أردني صغير، من التصميم للتوصيل. بدنا لعبة سهرة بتشبهنا: أحياء بنعرفها، مصطلحات بنحكيها، ومقالب بين الأصحاب — بدل ما نلعب نسخ مترجمة من ألعاب أجنبية.

### معلومات سريعة

هاي معلومات النسخة الورقية والرقمية من المصدر الرسمي. دليل اللعب أونلاين والأسئلة الشائعة بيوضحوا الفرق بين النسخ.

الاسم | عمان ديل — Amman Deal

النوع | لعبة ورق / لعبة طاولة / لعبة عائلية / لعبة سهرات

البلد | الأردن (عمّان)

لاعبو الكرتونة | من ٢ إلى ٦

لاعبو الطاولة الرقمية | من ٢ إلى ٤

المدة | ~20 دقيقة

العمر | +8

عدد الكروت | 159

السعر | 15 دينار (الكرتونة) · التطبيق والنسخة الأونلاين ببلاش

المنصات | كرتونة · iOS · المتصفح (ويب)

التواصل | ammandeal@gmail.com

## About Amman Deal (English)

Amman Deal (Arabic: عمان ديل) is a Jordanian card and board game with a physical edition for 2–6 players, ages 8+, and ~20-minute rounds. The online table supports 2–4 players. The 159-card deck features 12 real Amman neighbourhoods (Abdoun, Dabouq, Weibdeh, Jabal Amman…), money cards, a wild “Sheikh” card, and 92 action cards written in Jordanian Arabic slang. The first player to complete 3 property sets wins.

It is a fast party and family game in the spirit of Monopoly Deal, with new cards and rules and a local Jordanian sense of humour. Play it free in the browser at ammandeal.com/play (vs. computer or online with friends via private rooms), free on the iPhone App Store, or order the physical box (15 JOD, free delivery in West Amman).

Looking for the best card game for game night, a family board game, or an Arabic card game to play online with friends? Amman Deal was made in Amman, Jordan, for exactly that.

## جرّب عمان ديل هلق — ببلاش

العب من المتصفح ضد الكمبيوتر أو أونلاين مع أصحابك، أو حمّل التطبيق على الآيفون. وإذا بدك الكرتونة الحقيقية: 15 دينار مع توصيل مجاني بعمان الغربية.


---


# العب عمان ديل أونلاين

Source: https://ammandeal.com/online.html

عمان ديل أونلاين لعبة ورق أردنية بتلعبها ببلاش من متصفح الموبايل أو الكمبيوتر. بتجمع أراضي من أحياء عمّان، وبتستخدم كروت الأفعال عشان تكمل ٣ مجموعات وتربح. الطاولة الرقمية بتضم من لاعبين لأربعة، وبتقدر تلعب ضد الكمبيوتر أو بغرفة خاصة مع أصحابك.

من فريق عمّان ديل · آخر مراجعة: ١٦ أكتوبر ٢٠٢٦

## كيف ألعب مع أصحابي أونلاين؟

- افتح نسخة المتصفح أو تطبيق الآيفون.

- من خيارات اللعب، اختار غرفة خاصة واعمل غرفة.

- شارك رابط الدعوة مع أصحابك، مثلاً على واتساب. الرابط بيفتح صفحة الغرفة وفيه كود الانضمام.

- صاحبك بيفتح اللعبة من الرابط، أو بيدخل كود الغرفة بخيار الانضمام بكود. بعد دخول اللاعبين، ابدأوا الجولة.

صاحبك مش محتاج تعطيه إيميلك أو تضيف إيميله عشان تبعث دعوة غرفة. إذا فات من جهاز ثاني، تأكد إنه فتح نفس رابط الغرفة.

## بقدر ألعب ضد الكمبيوتر؟

آه. افتح اللعبة واختار ضد الكمبيوتر من خيارات اللعب. هالطريقة بتساعدك تتعرّف على كروت الأراضي والإيجارات والدفاع قبل ما تتحدى أصحابك. صفحات القوانين وشرح الكروت متاحة إذا احتجت ترجع لأي حركة.

## شو الفرق بين المتصفح والتطبيق والكرتونة؟

النسخة | كيف بتلعبها؟ | اللاعبون | السعر

المتصفح | أونلاين أو ضد الكمبيوتر، بدون تحميل التطبيق | ٢ إلى ٤ على الطاولة الرقمية | اللعب الأساسي مجاني

تطبيق iPhone وiPad | تنزيل من App Store | ٢ إلى ٤ على الطاولة الرقمية | تنزيل مجاني

الكرتونة | ورق حقيقي على نفس الطاولة | ٢ إلى ٦ | ١٥ دينار أردني

نسخة أندرويد بالتجربة المغلقة حاليًا. صفحة التحميل بتوضح خطوات المجموعة والاختبار، والوصول للتنزيل مرتبط بتفعيل Google. للعب فورًا، استخدم المتصفح.

## شو بحتاج عشان أبدأ؟

- متصفح حديث على الموبايل أو الكمبيوتر واتصال إنترنت.

- للعب مع أصحابك: افتحوا رابط الغرفة نفسه أو استخدموا كودها.

- الدردشة الصوتية بالغرفة بتحتاج إذن الميكروفون إذا بدك تستخدمها.

إذا رابط الدعوة ما فتح الغرفة، ارجع للعبة واختار الانضمام بكود واكتب الكود الظاهر على صفحة الدعوة. شوف الأسئلة الشائعة أو راسل فريق اللعبة إذا استمرت المشكلة.

## كيف بفوز في عمّان ديل؟

باللعبة العادية، أول واحد بيكمّل ٣ مجموعات أراضي بيربح. كل دور بتسحب كرتين وبتلعب لحد ٣ حركات: أرض، مصاري بالبنك، أو كرت فعل. التفاصيل والاستثناءات موجودة في قوانين عمّان ديل.


---


# أسئلة عن عمّان ديل؟

Source: https://ammandeal.com/faq.html

إجابات من فريق عمّان ديل عن اللعبة الأونلاين، التطبيق، الكرتونة والدعوات.

آخر مراجعة: ١٦ أكتوبر ٢٠٢٦

## شو هي لعبة عمان ديل؟

عمان ديل (Amman Deal) لعبة ورق وطاولة أردنية عن أحياء عمّان. بتجمع أراضي، وبتطلب إيجارات، وبتلعب كروت أفعال بالعامية الأردنية. أول لاعب بيكمّل ٣ مجموعات أراضي باللعبة العادية بيربح.

## كم لاعب بتنلعب عمان ديل؟

الكرتونة من ٢ إلى ٦ لاعبين. النسخة الرقمية على المتصفح والآيفون من ٢ إلى ٤ لاعبين على الطاولة.

## هل عمان ديل مجانية؟

اللعب الأساسي من المتصفح وتنزيل تطبيق الآيفون مجانيان. الكرتونة الورقية منتج منفصل بسعر ١٥ دينار أردني.

## كيف ألعب من غير ما أنزّل تطبيق؟

افتح ammandeal.com/play/ من متصفح حديث على موبايلك أو الكمبيوتر، واختار طريقة اللعب. نسخة المتصفح بتحتاج اتصال إنترنت.

## كيف بعزم أصحابي على غرفة خاصة؟

اعمل غرفة خاصة من داخل اللعبة، وشارك رابط الدعوة أو كود الغرفة. صاحبك بيفتح الرابط وبيختار اللعب من المتصفح أو فتح التطبيق، أو بيدخل الكود بخيار الانضمام بكود.

## بقدر ألعب ضد الكمبيوتر؟

آه، اختار ضد الكمبيوتر من خيارات اللعب داخل اللعبة. بتقدر تتعلم الكروت والقوانين قبل اللعب مع أصحابك.

## كيف بحمّل عمان ديل على الآيفون؟

التطبيق موجود باسم Amman Deal على App Store للآيفون والآيباد. رابط المتجر الرسمي موجود في صفحة التحميل بالموقع.

## عمان ديل متاحة على Google Play؟

نسخة أندرويد حاليًا بالتجربة المغلقة. صفحة التحميل بتعرض رابط مجموعة Google وخطوات الانضمام للاختبار. تنزيلها مرتبط بتفعيل الوصول من Google، والمتصفح متاح للعب حاليًا.

## كم كرت بالكرتونة ولأي عمر بتناسب؟

العلبة فيها ١٥٩ كرت، ومناسبة من عمر ٨ سنوات وطالع. كروت الأراضي بتعرض ١٢ حي حقيقي من عمّان، والجولة العادية بتستغرق حوالي ٢٠ دقيقة.

## قديش سعر الكرتونة وكيف بطلبها؟

سعر الكرتونة ١٥ دينار أردني، مع توصيل مجاني بعمان الغربية والدفع كاش عند الاستلام. الطلب عبر واتساب على +962795670489. لمناطق ثانية، اسأل الفريق لتأكيد إمكانية التوصيل وتكلفته.

## شو الفرق بينها وبين مونوبولي ديل؟

عمان ديل لعبة أردنية بأحياء عمّان وكروت أفعال بالعامية مثل خاوة وحل عني ونقطوني، وإلها كروت وقوانين خاصة. فكرة جمع مجموعات الأراضي بتخليها مألوفة للي بحب ألعاب الورق العقارية.

## وين بلاقي شرح القوانين والكروت؟

صفحة القوانين بالموقع بتشرح التجهيز والدور والدفع والفوز، وصفحة الكروت فيها صور الأحياء وكروت الأفعال ووصف حركاتها وبحث باسم الكرت.

## كيف بتواصل مع فريق عمان ديل؟

للدعم والاستفسارات: ammandeal@gmail.com. وللطلبات على واتساب: +962795670489. روابط إنستغرام وفيسبوك الرسمية موجودة بتذييل الموقع.


---


# قوانين عمان ديل

Source: https://ammandeal.com/rules.html

## الهدف من اللعبة

عمان ديل لعبة ورق عائلية سريعة: كل لاعب بيجمع أراضي من أحياء عمان (عبدون، دابوق، الويبدة، جبل عمان…). أول لاعب بيكمّل 3 مجموعات أراضي كاملة بيربح. بالطريق بتجمع مصاري، بتطلب إيجار، وبتسرق وبتحرق أراضي أصحابك بكروت الأفعال.

## أنواع الكروت

### 🏘️ كروت الأحياء (الأراضي)

12 حي من عمان. كل حي إله لون وعدد كروت لازم تجمعه عشان تكمل المجموعة (2 أو 3 أو 4 كروت). في كمان كروت مشتركة بوجهين (مثلاً خلدا/تلاع العلي) بتقلبها وبتستخدمها لأي حي من الاثنين.

### 💵 كروت الفلوس

من مليون لـ20 مليون دينار. بتحطها ببنكك وبتدفع منها الإيجارات والديون.

### 🎭 كروت الأفعال

92 كرت (52 نوع مختلف) بتقلب اللعبة: تسرق أرض ("خاوة"، "سلبطة")، تطلب مصاري ("كبة بلا بلا"، "نقطوني")، تحمي حالك ("حل عني"، "لا تقرب")، أو تبني شقة وفيلا على مجموعتك. شوف كل الكروت وشرحها.

### 👳 الشيخ (الجوكر)

بيعوّض عن أي أرض بأي مجموعة عندك. ما بينسرق إلا بكرت "جيب الشيخ جاي".

## كيف تلعب — خطوة بخطوة

- التجهيز: اخلطوا الكروت ووزعوا 5 كروت لكل لاعب، والباقي بالنص كومة سحب.

- أول الدور: اسحب كرتين (أو 5 إذا إيدك فاضية).

- 3 حركات: بكل دور بتقدر تنزّل لحد 3 كروت: فلوس للبنك، أرض قدامك، أو كرت فعل تلعبه.

- كروت الأفعال: إذا لعبت كرت عالخصم، بيقدر يرد بكرت دفاع زي "حل عني" أو "اقلب وجهك".

- الدفع: إذا انطلب منك مصاري بتدفع من بنكك، وإذا ما كفّى بتدفع من أراضيك. ما في فكة.

- آخر الدور: ما بتضل معك أكثر من 7 كروت بإيدك.

- الفوز: أول واحد بيكمّل 3 مجموعات كاملة بيربح.

## نصايح للفوز

- خلّي بالبنك مصاري دايماً — اللي ما معه مصاري بيدفع من أراضيه.

- احتفظ بـ"حل عني" لما حدا يحاول يسرق منك مجموعة كاملة بـ"يخلف عليك".

- ركّز على الأحياء يلي بتكمل بكرتين (دابوق، الهاشمي، الويبدة، صويلح) إذا بدك تخلص بسرعة.

- "شقة" و"فيلا" على مجموعة كاملة بيطلّعوا الإيجار لفوق — وبعدها "دبلها"!

## أسئلة عن القوانين

### كم لاعب بتنلعب عمان ديل؟

الكرتونة من ٢ إلى ٦ لاعبين، والطاولة الرقمية من ٢ إلى ٤ لاعبين.

### قديش مدة اللعبة؟

حوالي 20 دقيقة للعبة العادية (3 مجموعات). بالتطبيق بتقدر تختار لعبة سريعة (مجموعتين) أو طويلة (4) أو ماراثون (5).

### كم مجموعة لازم أكمّل عشان أربح؟

القاعدة العادية 3 مجموعات أراضي كاملة من ألوان مختلفة أو نفس اللون. بتقدروا تتفقوا على رقم ثاني قبل ما تبلشوا.

### كم كرت بسحب كل دور؟

كرتين ببداية كل دور. وإذا إيدك فاضية تماماً بتسحب 5.

### كم حركة بعمل بالدور؟

3 حركات: كل كرت بتنزّله (فلوس للبنك، أرض قدامك، أو كرت فعل) بيحسب حركة.

### شو بصير إذا معي أكثر من 7 كروت؟

بآخر دورك لازم ترجع لـ7 كروت، والزيادة بتنرمى عالساحة.

### بقدر آخذ الشيخ (الجوكر) من لاعب ثاني؟

بس بكرت "جيب الشيخ جاي". باقي كروت السرقة ما بتقرب على الشيخ، وما بتدفع فيه ديون.

### في فكة لما أدفع؟

لأ — إذا دفعت ورقة أكبر من المطلوب ما بترجعلك فكة، إلا إذا معك كرت "هات الباقي".

### شو الفرق بين عمان ديل ومونوبولي ديل؟

نفس روح لعبة الورق السريعة، بس عمان ديل أردنية بالكامل: أحياء عمان الحقيقية، 159 كرت، وكروت أفعال بالعامية الأردنية زي "خاوة" و"حل عني" و"نقطوني"، مع قوانين وكروت جديدة مش موجودة بالنسخة الأجنبية.

## جرّب عمان ديل هلق — ببلاش

العب من المتصفح ضد الكمبيوتر أو أونلاين مع أصحابك، أو حمّل التطبيق على الآيفون. وإذا بدك الكرتونة الحقيقية: 15 دينار مع توصيل مجاني بعمان الغربية.


---


# كروت عمان ديل

Source: https://ammandeal.com/cards.html

ابحث باسم الكرت أو بالحركة اللي بدك إياها.

## كروت الأحياء — أراضي عمان

12 حي حقيقي من عمان. الإيجار بيزيد كل ما جمعت كروت أكثر من نفس الحي، وبيوصل لأعلى قيمة لما تكمّل المجموعة.

 | الحي | للمجموعة | الإيجار (حسب عدد الكروت)

 | دابوق | 2 كروت | 3 / 8 مليون

 | الهاشمي | 2 كروت | 1 / 2 مليون

 | الويبدة | 2 كروت | 1 / 2 مليون

 | صويلح | 2 كروت | 1 / 2 مليون

 | عبدون | 3 كروت | 2 / 4 / 7 مليون

 | خلدا | 3 كروت | 2 / 4 / 6 مليون

 | تلاع العلي | 3 كروت | 2 / 3 / 6 مليون

 | المدينة الرياضية | 3 كروت | 1 / 2 / 4 مليون

 | ضاحية الرشيد | 3 كروت | 1 / 3 / 5 مليون

 | طبربور | 3 كروت | 1 / 2 / 3 مليون

 | جبل عمان | 4 كروت | 1 / 3 / 5 / 10 مليون

 | وادي السير | 4 كروت | 1 / 2 / 3 / 4 مليون

وفي كمان 10 كروت مشتركة بوجهين (زي دابوق/عبدون وخلدا/تلاع العلي) بتقلبها وبتستخدمها لأي حي من الاثنين.

## الشيخ — الجوكر

### هلا بالشيخ

بيعوّض عن أي أرض بأي مجموعة عندك. ما بينسرق إلا بكرت "جيب الشيخ جاي".

## كروت الأفعال (46 كرت مختلف)

هون بتصير الدراما: سرقة، ضرايب، نقوط، حماية، وحروب "حل عني".

### ALL IN!

بتختار لاعب واحد… وبيدفعلك إيجار كل الأحياء يلي عندك مرة وحدة 😈

### الكرت القوي

بيتحوّل لأي كرت فعل بدك إياه، أو لشيخ (جوكر) — إلا "يخلف عليك" و"اقلب وجهك".

### أعطيني من الزاكي

اللاعب بيكشفلك كل ورقه… وإنت بتنقّي أحلى كرت وبتاخده

### بدلهم

ارمي كل الكروت يلي بإيدك واسحب بعددهم كروت جديدة… يمكن تزبط معك المرة الجاية.

### بدمرك

بتحرق مجموعة كاملة لأي لاعب. حتى لو تعب عليها الصبح لليل

### بطلعش بأمرك

كرت دفاع: أي أمر انلعب عليك بيرجع على يلي لعبه بنفس القوة.

### شيك على بياض

حطّه ببنكك… وأي مبلغ بينطلب منك بيغطيه بالظبط، ولا قرش زيادة

### دبلها

نزّلها مع كرت إيجار… والإيجار بيصير دبل

### ضريبة دخل

اختار لاعب يدفعلك ٣ مليون… حتى الضريبة بعمّان ديل إلك

### فت على الشباب

بتسحب كروت بعدد اللاعبين، بتنقّي وحدة، والباقي بيلف عالطاولة

### غصبن عن خشمك

بيسكّر كل الردود عليك… إلا "اقلب وجهك"، لو معك ياها!

### حل عني

كرت دفاع: بيلغي أي أمر عليك. وإذا ردّ عليك بـ"حل عني" ثاني بتكمل الحرب.

### هات الباقي

دفعت ورقة أكبر؟ هات الفكة يا حبيبي

### هات وخد

إيدك الفاضية صارت إيده الملانة… وبالعكس 😳

### إيدك لبيدك

مجموعتك المكتملة؟ محمية دايماً من أي سرقة… حتى لو ما معك لا تقرب!

### إحرقها

احرق أرض وحدة من أراضي أي لاعب (من مجموعة مش مكتملة) — بتروح عالساحة.

### إنخمد

اللاعب يلي بتختاره بيخسر دوره الجاي كامل.

### إنطم/هات

بدك مصاري مني؟ لأ… إنت بتدفعلي

### اقلب وجهك

كرت دفاع: بيلغي أي أمر عليك — حتى "حل عني" — وما في كرت بيصدّه.

### كازية

حط كازية على مجموعة كاملة… والإيجار بيطلع +٥

### خاوة

بهالكرت بتاخذ أي أرض من صاحبك… خاوة صريحة بلا استئذان!

### خذني جيتك

أرضك الناقصة بأرضه… تبادل عادل، بس مين المستفيد فعلاً؟ 😏

### كبة بلا بلا

اختار لاعب… وبيدفعلك ٥ مليون بدون نقاش

### لا تقرب

بهالكرت أراضيك محمية لفّتين كاملين… ولا حدا بيقرب عليها 😎

### لف وارجع

بيقلب ترتيب الأدوار… وصاحبك يلي كان مستنيك يستنى كمان

### لله يا محسنين

كل اللاعبين بيدفعوا مليون لأفقر واحد عالطاولة

### ما حزرت

طلبوا منك إيجار أو ALL IN؟ قلهم ما حزرت، وما رح تدفع إشي!

### مزاد

أعلى سعر بياخذها… بس خلي بالك ما تفلس وإنت بتحاول تربح!

### من الله دولة

ما لازم تستنى دورك… العب مرتين متتاليتين على طول!

### نقي واستحلي

روح عالساحة ونقّي أي كرت انرمى… وخده إلك

### نقطوني

كل اللاعبين بيعطوك ٢ مليون… زي نقوط العرس

### راحت عليك

بتختار لاعب… وبنكه كامل بيروح للساحة

### شقة

حط شقة على مجموعة كاملة، والإيجار بيعلى +٣

### سحبني

اسحب كرتين زيادة… يمكن يطلعلك الكرت يلي بدك إياه

### سلك حالك

مطلوب منك أكثر من اللي معك؟ بتعطي اللي ببنكك وبترمي سلك حالك… وأراضيك ما حدا بيقربلها

### سلبطة

خد أرض من أي لاعب وحطها عندك… بشرط ما تكون بمجموعة كاملة

### طالعة معك

حركتين زيادة بنفس الدور… استغلهم صح

### طوبلي اياها

اشتري أرض من أي لاعب بقيمتها… غصب عنه

### فيلا

فيلا فوق الشقة على مجموعة كاملة… والإيجار بيطير

### وحدة عالدير

الطاولة كاملة بتدفع… وحدة وحدة، طوعاً أو كرهاً 😂

### وحدة على قدك

بتخلي لاعب يلعب حركة وحدة بس بدوره الجاي

### ولا عليك أمر

الأمر يلي عليك؟ حوّله على حدا تاني

### ولا بتقلي بيضة

كان حاطط "إيدك لبيدك" ومرتاح البال؟ خلص، رجعت أراضيه مكشوفة!

### يخلف عليك

كل شغل خصمك ضاع بثانية… ومجموعته الكاملة صارت عندك انت!

### زي ما بدك

اختار لون من أراضيك، وخلي لاعب يدفعلك إيجاره

### جيب الشيخ جاي

الكرت الوحيد يلي بياخذ الشيخ (الجوكر) من لاعب ثاني ويحطه عندك.

## كروت الإيجار

### إيجار: دابوق/عبدون

اطلب إيجار حي دابوق أو حي عبدون من كل اللاعبين — حسب عدد الأراضي يلي عندك من هاللون.

### إيجار: خلدا/تلاع العلي

اطلب إيجار حي خلدا أو حي تلاع العلي من كل اللاعبين — حسب عدد الأراضي يلي عندك من هاللون.

### إيجار: ضاحية الرشيد/المدينة الرياضية

اطلب إيجار حي ضاحية الرشيد أو حي المدينة الرياضية من كل اللاعبين — حسب عدد الأراضي يلي عندك من هاللون.

### إيجار: الويبدة/جبل عمان

اطلب إيجار حي الويبدة أو حي جبل عمان من كل اللاعبين — حسب عدد الأراضي يلي عندك من هاللون.

### إيجار: الهاشمي/طبربور

اطلب إيجار حي الهاشمي أو حي طبربور من كل اللاعبين — حسب عدد الأراضي يلي عندك من هاللون.

### إيجار: وادي السير/صويلح

اطلب إيجار حي وادي السير أو حي صويلح من كل اللاعبين — حسب عدد الأراضي يلي عندك من هاللون.

## كروت الفلوس

21 كرت فلوس: 1 مليون (6)، 2 مليون (5)، 3 مليون (3)، 4 مليون (3)، 5 مليون (2)، 10 مليون (1)، و20 مليون (1).

## جرّب عمان ديل هلق — ببلاش

العب من المتصفح ضد الكمبيوتر أو أونلاين مع أصحابك، أو حمّل التطبيق على الآيفون. وإذا بدك الكرتونة الحقيقية: 15 دينار مع توصيل مجاني بعمان الغربية.